558

Чарговая справа за рэпост “экстрэмісцкага канала” — цяпер у “Газеце Слонімскай”

07.04.2021 Крыніца: Прэс-служба ГА "Беларуская асацыяцыя журналістаў" Сюжэт: Барацьба з экстрэмізмам

Галоўны рэдактар “Газеты Слонімскай” Мікалай Канановіч 7 красавіка быў выкліканы ў мясцовае аддзяленне міліцыі ў сувязі з праверкай, якую праводзяць праваахоўнікі.

Паводле міліцыі, на сайце выдання знайшлі публікацыю, якая ўтрымлівае рэпост тэлеграм-канала, прызнанага ўладамі экстрэмісцкім.

Сёння Мікалая Канановіча апыталі ў межах праверкі, але на наступным тыдні выклікаюць у міліцыю зноў.

Нядаўна рэдакцыю Hrodna.life і рэдактара Аляксею Шоту па такой справе аштрафавалі на рэкордныя 12000 рублёў.

Цяпер гэта сапраўдны біч уладаў для беларускіх медыя – прызнаваць каналы экстрэмісцкімі, а потым штрафаваць рэдакцыі за рэпосты з гэтых каналаў.

Друкаваная версія “Газеты Слонімскай” была вымушаная спыніць выхад яшчэ ўвосень, калі пасля ў рэдакцыі адбыўся ператрус і ў выдання забралі тэхніку.

Самыя важныя навіны і матэрыялы ў нашым Тэлеграм-канале — падпісвайцеся!